Италияда коронавирусга чалинганлар расмий кўрсаткичдан 6 марта кўплиги маълум қилинди

Италияда февралдан июнь ойигача 1,5 млн киши коронавирусни бошдан ўтказган. Бу эса аввал ҳисоблангандан кўра 6 марта кўпроқни ташкил қилади, деб ёзмоқда мамлакатда ўтказилган тадқиқотга таяниб Corriere della Sera нашри.

Фото: Reuters

Коронавирусга чалинганларнинг расмий кўрсаткичи билан бундай катта тафовут касалланганлар ҳақида маълумотлар фақат таҳлиллар натижаларига кўра олингани билан боғланган. Шифокорлар тадқиқот ёрдамида қанча италияликда коронавирусга қарши антитаналар борлигини текширишга қарор қилишган. Организмда антитаналар мавжудлиги инсон охирги ойларда коронавирусга чалиниб, ундан иммунитет ҳосил қилганини кўрсатади.

Қон зардоби ўрганилган тадқиқотда 65 минг киши иштирок этган. Сўнгра тадқиқотчилар мамлакатда коронавирус билан боғлиқ вазият ҳақида маълумот олиш учун пропорция ҳосил қилишган. Натижада 2,5 фоиз италияликда коронавирусга антитана борлиги аниқланган.

Италия Европанинг коронавирусдан энг кўп жабр кўрган давлатларидан бири саналади. Мамлакат шимолида баҳорда айниқса оғир вазият кузатилган.

Тайёрлаган Шуҳрат Раҳимов

#Италия #коронавирус #антитана

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.