Чилонзордаги хонадондан 40 000 000 сўм пулни ўғирлаб кетган шахс қўлга олинди

Жорий йилнинг 23 июль куни Тошкент шаҳар Чилонзор тумани ички ишлар органларига 32 ёшли Д.Б. мурожаат этиб, унинг хонадонидан пул ўғирланганлиги ҳақида маълум қилган. Бу ҳақда ИИВ хабар бермоқда.

Д.Б.нинг сўзларига қараганда ўша куни соат 16:30 ва 19:00 оралиғида уйда ҳеч ким йўқлигидан фойдаланган шахс хоналардан бирида турган ва ичида 40.000.000 сўм бўлган сумкани ўғирлаб кетган. 

Мазкур факт асосида Ўзбекистон Республикаси Жиноят кодексининг 169 моддаси («Ўғрилик») бўйича жиноий иш қўзғатилди. 

Кўрилган чоралар давомида ходимлар ўғриликда гумонланувчи шахсни аниқлаб, Қашқадарё вилоятидан бўлган, муқаддам судланган 25 ёшли Т.У.ни қўлга олишди.