Хитойда янги вирус тарқалиши оқибатида етти киши вафот этгани хабар қилинди

Хитойда каналар орқали ўтувчи SFTS вируси тарқалиши авж олди, деб хабар берди Global Times.

Охирги маълумотларга кўра, 60 киши вирус юқтирган, етти киши вафот этган.

Вирус тарқалиши дастлаб Цзянсу провинциясида қайд этилган, кейинроқ Аньхой провинциясида яшовчиларга ҳам вирус юққан.

Касалликка чалинганлардан бирининг айтишича, унинг симптомлари йўтал, юқори ҳарорат, қонда лейкоцит ва тромбоцитлар миқдорининг камайиши ҳисобланади.

 SFTS вируси илк бор 2011 йилда аниқланган. У канадан одамга, одам қони ёки шиллиқ ажратмаси орқали одамдан одамга юқиши мумкин.