Ҳиндистонда кўчки оқибатида чой плантациясининг 43 ишчиси ҳалок бўлди

Ҳиндистоннинг Керала штатидаги чой плантациясида кўчки юз бериши оқибатида камида 43 киши ҳалок бўлди.

Фото: Reuters

Reuters ахборот агентлигининг хабар беришича, 26 кишининг жасади 8 августга ўтар кечаси аниқланган. 9 августда эса қурбонлар сони 43 нафаргача етган.

Маҳаллий ҳокимиятда таъкидланишича, ёмғир сабабли қутқарув операцияси вақтинча тўхтатилган, бироқ қидириш ишлари кейинроқ “охирги жасад топилмагунча” давом эттирилади.