Жаҳон | 22:25 / 15.08.2020
7607
1 дақиқада ўқилади

Вашингтон ва Варшава Польшада АҚШ ҳарбийларини жойлаштириш тўғрисида шартнома имзолади

Ҳужжатга кўра, Польшага АҚШнинг Форт-Нокс ҳарбий базасидаги бешинчи армия корпусининг қисмлари жойлаштирилади. Ҳозирда Польшада 4500га яқин америкалик аскар ва офицерлар жойлашган.

Варшавада АҚШ давлат котиби Майкл Помпео ва Польша мудофаа вазири Мариуш Блашчак Польшада қўшимча 1000 нафар америкалик ҳарбийни жойлаштириш тўғрисида шартнома имзолади.

"Бу Польша ёки АҚШга нисбатан таҳдид пайдо бўлганида аскарларимиз елкама-елка туришлари кафолатини кучайтиради", - деди Польша президенти Анжей Дуда шартнома имзолаш маросимида.

Ҳужжатга кўра, Польшага АҚШнинг Форт-Нокс ҳарбий базасидаги бешинчи армия корпусининг қисмлари жойлаштирилади. Ҳозирда Польшада 4500га яқин америкалик аскар ва офицерлар жойлашган.

Аввалроқ АҚШ президенти Дональд Трамп Германиядаги америкалик ҳарбийлар сонини қисқартиришини билдирганди. Унинг сўзларига кўра, Берлин НАТОни молиялаштириш бўйича "мажбуриятларини бажармаган". 

Дилшод Аскаров
Тайёрлаган Дилшод Аскаров
Kun.uz янгиликларини Google News'да кузатинг
+ Обуна бўлиш

Мавзуга оид