Лукашенко мухолифатни ҳокимиятни эгаллашга уринишда айблади

 Беларусь президенти Александр Лукашенко мухолифат томонидан тузилган мувофиқлаштирувчи кенгашни ҳокимиятни эгаллашга уриниш деб атади. Бу ҳақда БЕЛТА хабар бермоқда.

 «Улар бизни бошқа тарафга тортишмоқда. Ва кўп эмас-оз эмас – ҳокимиятни уларга беришни талаб қилишмоқда. Демак, биз буни барча оқибатларга эга бўлган ҳокимиятни эгаллашга уриниш деб баҳолаймиз», — деди Лукашенко хавфсизлик кенгаши аъзолари билан ўтказилган йиғилишда.

У ўз рақибларини ҳокимият ва куч ишлатиш тузилмаларини «ухлатиш»га уринишда айблади.

«Бу парда. Унинг ортига қарасангиз, нималар юз бераётганини кўрасиз», — деди Беларусь президенти.

14 август куни президентликка собиқ номзод Светлана Тихановская штаби Беларусда ҳокимиятни тинч йўл билан алмаштириш бўйича мувофиқлаштирувчи кенгаш тузилишини эълон қилганди.

 «Биз кўпчилик эканимизни кўрсатдик. Бу мамлакат бизга, Беларус халқига тегишли, бир одамга эмас», – деганди у.