Нигерияда жангарилар юзлаб одамларни гаровга олди

Нигерия шимолидаги Борно штатида жангарилар юзлаб одамларни гаровга олди. Бу ҳақда Le Parisien нашри хабар берди.

Маҳаллий манбаларнинг маълум қилишича, “Ғарбий Африкада Ислом давлати” (ISWAP) террорчи гуруҳи жангарилари Кукава шаҳрини босиб олиб, у ердаги тинч аҳолини гаровга олган.  

Таъкидланишича, гаровга олинганлар ҳудуддаги ёмон вазият сабабли икки йилга яқин кўчирилган шахслар учун мўлжалланган лагерда кун кечириб, яқиндагина шаҳарга қайтишган бўлган.

Айни вақтда мамлакат хавфсизлик хизматлари одамларга ёрдам бериш учун зарур чоралар кўрмоқда.