Олимлар коронавирус музлатилган егуликларда сақланишини исботладилар

Фото: 123RF

Сингапурлик олимлар коронавирус музлатилган егуликларда ҳам камида уч ҳафта давомида тирик сақланиб қолишини аниқладилар.

"Тадқиқотларимиз натижасида SARS-CoV-2 вируси озиқ-овқат маҳсулотларини сақлаш ва ташиш учун стандарт музлатишларда қанчалик сақланиб қолиши ўрганилди. Хусусан товуқ гўшти, балиқ ва бошқа турдаги гўшт маҳсулотларини стандарт совутиш (-4 даража) ва стандарт музлатиш (-20 даража) қўлланган ҳолда 21 кун давомида текшириш коронавирус тирик сақланиб қолишини кўрсатди” – дейилади хулосада.

Бу тадқиқот озиқ-овқат маҳсулотларини сақлаш ва етказиб бериш соҳаси ходимларига касаллик юқиш хавфи борлигини билдирса, музлатилган маҳсулотлар орқали вирус тарқалиш эҳтимоли юқорилигини ҳам англатади.

Тайёрлаган Аброр Зоҳидов

#тадқиқот #Сингапур #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.