Украина хорижликлар учун чегараларини сентябрь охиригача очмасликка қарор қилди

Украинага фақат яшаш учун рухсатномаси бўлганлар ёки халқаро ва гуманитар миссиялар аъзоларигина киритилади.

Фото: РИА Новости

Украина ҳукумати хорижликлар учун чегараларини сентябрь охиригача очмайди. Бу ҳақда мамлакат бош вазири Денис Шмигаль маълум қилди.

Унинг қайд этишича, коронавирус пандемияси сабабли ушбу қарор қабул қилинмоқда.

"Касалланиш даражаси сабабли биз ҳамюртларимизни ҳимоя қилишимиз ва хорижлик ҳамкорларимиз олдида масъул бўлишимиз лозим", — деди у.

Маълум қилинишича, Украинага фақат яшаш учун рухсатномаси бўлганлар ёки халқаро ва гуманитар миссиялар аъзоларигина киритилади.

Охирги маълумотларга кўра, Украинада 110 мингга яқин киши коронавирусга чалинган, 2354 бемор вафот этган. Мамлакат ҳукумати карантин чораларини ноябргача узайтирди.