Путин Беларусда россияликларнинг қўлга олинишини Украина ва АҚШ махсус хизматларининг операцияси деб атади

Беларусда россияликларнинг қўлга олиниши билан боғлиқ воқеа Украина ва Америка махсус хизматларининг биргаликдаги операцияси, деди Россия президенти Владимир Путин.

"Бу аниқ бўлди. Бу махсус хизматларнинг акцияси. Бу кишиларни Беларусь ҳудудига олиб келиш учун уларга қонуний вазифа берилишини айтишган, уларга ишлаш учун учинчи давлатлар, Лотин Америкаси, Яқин Шарққа кетишларини айтишган. Аслида эса уларни Беларусь ҳудудига олиб киришган ва сайловолди кампанияси даврида вазиятни издан чиқариш учун эҳтимолий зарба сифатида кўришган", - деди Путин "Россия 1" телеканалига берган интервьюсида.

"Дарвоқе, чегарачиларимиз уларни ўтказмаган. Аммо уларни сохта ҳужжатлар билан олиб ўтишган. Бу Украина махсус хизматларининг Америка махсус хизматлари билан ҳамкорликдаги операцияси. Ҳозирда бу маълум бўлди", - деди Россия президенти.

Аввалроқ Беларусда қўлга олинган 32 нафар россиялик Россияга қайтарилганди. Қўлга олинган яна бир нафари эса Беларусь фуқаролигига ҳам эгалиги учун ўша ерда қолдирилган.

Беларусь ҳукумати 29 июлда 33 нафар россиялик қўлга олингани ҳақида хабар берганди. Минскнинг таъкидлашича, улар Вагнер хусусий ҳарбий компаниясининг жангчилари бўлган.