Канада ялпи ички маҳсулоти рекорд даражада қисқарди

2020 йилнинг 2-чорагида Канада иқтисодиёти пандемия сабабли 1-чоракка нисбатан рекорд даражага – 11,5 фоизга камайди ва рецессияга кирди.

Фото: THE CANADIAN PRESS / Graham Hughes

Канада статистика бошқармасининг маълум қилишича, Канада ялпи ички масҳулоти апрель-июнда йиллик ҳисобда 38,7 фоизга қисқарган ва бу ҳам антирекорд ҳисобланади.

Бироқ таҳлилчилар Канада иқтисодиёти чорак бўйича 12 фоизга қисқаришини прогноз қилишган. 1-чоракда Канада ялпи ички маҳсулоти 2,1 фоизга камайган.

Аҳолининг 2-чоракдаги харажатлари иш ўринлари йўқотилгани ва дўконлар ёпилиши ҳамда туризмдаги чекловлар туфайли харажатлар қилишда чекланган имкониятлар сабаб рекорд кўрсаткичга – 13,1 фоизга қисқарган.

Пандемия сабабли киритилган чекловлар Канада экспортининг 2-чоракда 18,4 фоизга, импортининг эса 22,6 фоизга қисқаришига олиб келган.

Тайёрлаган Шуҳрат Раҳимов

#Канада #ялпи ички маҳсулот #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.