Бразилиялик ҳимоячи Габриэл Магальяэс «Лилль»дан «Арсенал»га ўтди.
Клуб матбуот хизмати бошқа бразилиялик футболчилари Луиз ва Виллианнинг видеомулоқотини эълон қилди, унда ёш бразилиялик футболчи «Арсенал»га ўтганини тасдиқлаган.
Лондонликлар клуби ушбу футболчи билан шартнома тафсилотларини ҳозирча ошкор қилмади. ОАВ маълумотига кўра, 22 ёшли футболчи клуб билан 5 йиллик шартнома тузган. У янги клуби сафида 6-рақам остида тўп суради.
📞 This is Arsenal calling!
— Arsenal (@Arsenal) September 1, 2020
📺 Join us for a very special video call...
🇧🇷 @DavidLuiz_4
🇧🇷 @WillianBorges88
🇧🇷 ❓ pic.twitter.com/O3WcU7SeN7
«Биз Габриэлни «Арсенал»да олқишлаймиз. Унинг кўплаб сифатлари борки, бу бизни янада кучайтиради. «Лилль»да у серқирра футболчи эканини намойиш этган. Биз унинг «Арсенал»да янада кучайишини кутамиз», — деган клуб бош мураббийи Микель Артета.
Аввалроқ «канонирлар» ушбу футболчи трансфери учун 30 млн евро тўлаши ҳақида хабарлар тарқалганди.
Габриэл «Лилль»га 2017 йил январида «Авай»дан 3 млн еврога трансфер бўлган. 2019/20 йилги мавсумда Габриэл Франция чемпионатида 24 ўйинда майдонга тушиб, бир гол урган.
