Лондонда бир хонали экстремал меҳмонхона очилди

Jeep автомобил маркаси Лондонда дунёдаги энг экстремал меҳмонхонани очди. Гап шундаки, бор-йўғи бир хонадан иборат меҳмонхона ердан 70 метр баландликда жойлашган.

Jeep Лондон аҳолисига меҳмонхонага ташриф буюриб, коронавирус пандемияси вақтида янги таассуротларга эга бўлишни таклиф қилмоқда.

Меҳмонхона The O2 Arena кўнгилочар мажмуасининг устунларига маҳкамланган чодирдан иборат. Меҳмонхонада тўхтовчилар мажмуа томи бўйлаб сайр қилишлари ҳамда у ерда овқатланишлари мумкин. Улар ихтиёрида уйқу учун мўлжалланган иккита қопча ва ёмғирдан ҳимояловчи ғилоф бўлади.