«Реал Мадрид»нинг икки футболчиси – Гарет Бэйл ҳамда Серхио Регилон «Тоттенҳэм»га ўтишди.
31 ёшли Гарет Бэйл 2020/21 йилги мавсумни ижара асосида Лондон клубида ўтказади. У янги жамоасида 9-рақамни танлади.
Бэйл «Тоттенҳэм»да 2007 йилдан 2013 йилгача ўйнаган, сўнг 100 млн евро эвазига «Реал»га ўтган.
Bale. Is. Back.
— Tottenham Hotspur (@SpursOfficial) September 19, 2020
Welcome home, @GarethBale11 😍 #BaleIsBack ⚪️ #COYS pic.twitter.com/iOIWC2ZwtC
Шунингдек, «Реал»нинг яна бир футболчиси – 23 ёшли Серхио Регилон ҳам «Тоттенҳэм» таркибига ўтди. Испаниялик ҳимоячи «шпорлар» билан 2025 йилгача мўлжалланган битим имзолади.
Хабар қилинишича, лондонликлар Регилон учун 30 млн евро тўлашди.
Шунингдек, шартномада «қаймоқранглилар» Регилонни 40-45 млн евро эвазига қайтариб олишлари мумкинлиги ҳам кўзда тутилган.
Регилон ўтган мавсумни «Севилья»да ижарада ўтказиб, жамоа билан Европа Лигасида ғолиб бўлди. Ла Лига доирасида эса 31та ўйинда 2та гол урди.