Қўшимча функционаллар
-
Тунги кўриниш
Денис Истомин коронавирус юқтириб олди. У Ролан Гаррос турнирини ўтказиб юборади
Теннис бўйича Франция очиқ чемпионатида иштирок этиши керак бўлган теннисчилар топширган тест натижалари орасидан икки нафарида коронавирус аниқланди, дея ёзмоқда журналист Дэнни Мише твиттердаги саҳифасида.
Манбанинг ёзишича, коронавирус юқтириб олган икки спортчидан бири ўзбекистонлик Денис Истоминдир. Теннис бўйича Ўзбекистон миллий жамоаси аъзоси ҳозирга келиб алоҳида назоратга олинган ва Ролан Гаррос турнирида иштирок эта олмайди.
Ҳозирга келиб Францияда COVID-19 юқтириб олганлар сони рекорд даражагача янгиланмоқда. 10 сентябрь куни кунлик касалланишлар сони рекорд – 9843 кишини ташкил этган бўлса, 19 сентябрда кунлик инфекция юқтираётганлар сони 13 498 нафар кишига етган.
Маълумот учун, катта шлем таснифидаги Ролан Гаррос турнири 21 сентябрь – 11 октябрь кунлари Францияда ўтказилади. Мусобақанинг амалдаги ғолиби испаниялик Рафаэль Надаль ва австралиялик теннисчи аёл Эшли Барти ҳисобланади.
Мавзуга оид
20:09 / 05.02.2024
Денис Истомин фаолиятини якунлади
10:06 / 16.02.2023
Ковиддан кейинги синдром бир неча ой ичида ўзини намоён қилиши мумкин — мутахассис
03:31 / 16.02.2023
Коронавируснинг келиб чиқиши бўйича ЖССТ суриштируви тўхтаб қолди
10:02 / 31.01.2023