Мамлакатда фавқулодда ҳолат режими олтинчи марта узайтирилмоқда.
Фото: Jorge Silva / Reuters
Таиланд коронавирус тарқалиши хавфи сабабли киритилган фавқулодда ҳолат режимини 31 октябргача узайтирди.
«Бу фавқулодда ҳолат режимининг олтинчи марта узайтирилиши. Дунёдаги эпидемиологик вазият яхшиланмагани сабабли ушбу қарор қабул қилинди: 33 миллиондан ортиқ киши касалланди, миллиондан ортиқ киши вафот этди», — деди мамлакат коронавирусга қарши курашиш бўйича миллий маркази вакили Тхависин Висануйотхин.
Қайд этилишича, Таиланд ҳукумати инфекцияга қарши курашиш чоралари бўйича қарор чиқаришда бюрократик жараёнларга дуч келмаслиги учун фавқулодда ҳолат режими жорий этилган.
Охирги маълумотларга кўра, мамлакатда касалланганлар сони 3,5 минг нафардан ошган, 59 киши вафот этган.
