АҚШ Сурияга қарши янги санкциялар киритди

АҚШ Суриянинг бир қатор фуқаролари ва 13 та ташкилоти, жумладан Сурия туризм сайтига қарши санкциялар киритди. 

Санкциялар остига бир нечта туристик ва қурилиш компаниялари, Суриянинг 6 нафар фуқароси, жумладан Сурия армияси 5-корпуси қўмондони Милод Жадид тушган.

Specially Designated Nationals And Blocked Persons List (SDN) деб номланган ушбу санкциялар рўйхати хорижий давлатлар номидан АҚШга қарши ҳаракат қилувчи шахслар ва компаниялар рўйхати ҳисобланади. Ушбу рўйхатга тушганларнинг ҳисобрақамлари музлатилади, уларга АҚШга кириш ман этилади, америкаликларга эса улар билан фаолият олиб бориш тақиқланади.

Июль охирида АҚШ Сурияга қарши санкциялар кенгайтирилишини маълум қилганди. Унга кўра, тақиқланган кишилар рўйхатига Сурия президенти Башар Асаднинг 19 ёшли катта ўғли Ҳофиз Асад ва унинг амакиваччаси Зуҳайр Товфиқ Асад кирган.