Қўшимча функционаллар
-
Тунги кўриниш
Ўзбекистон Ташқи ишлар вазирлиги Қирғизистонга боришни режалаштирган фуқароларга эслатма билан чиқди
ПЗР тест натижалари бўлмаган тақдирда ёки клиник аломатлар мавжуд бўлганда Қирғизистон ҳудудига кириш тақиқланади.
Фото: «XS Online»
Ўзбекистоннинг Бишкек шаҳридаги элчихонаси хабар беришича, Қирғизистон ҳукумати қарорига биноан хорижий давлатларнинг фуқаролари ва фуқаролиги бўлмаган шахсларга сўнгги 72 соат ичида ўтказилган коронавирус инфекцияси йўқлигини кўрсатувчи ПЗР тадқиқоти натижалари тақдим этилгандан сўнг Қирғизистонга учадиган самолёт бортига чиқишга рухсат этилади.
Чет эл фуқаролари ва фуқаролиги бўлмаган шахслар Қирғизистон чегарасини автомашиналарни ўтказиш пунктлари орқали кесиб ўтишда сўнгги 120 соат ичида ўтказилган COVID-19 учун ПЗР тестининг салбий натижаларини тақдим этишлари шарт.
Тегишли тест натижасининг талаб қилинган муддати объектив сабабларга кўра тугаган тақдирда, чет эл фуқаролари ва фуқаролиги бўлмаган шахслар борган жойида ПЗР синовидан ўтишлари шарт.
ПЗР тест натижалари бўлмаган тақдирда ёки клиник аломатлар мавжуд бўлганда Қирғизистон ҳудудига кириш тақиқланади.
Шу муносабат билан, Ўзбекистон Ташқи ишлар вазирлиги Қирғизистонга боришни режалаштираётган фуқароларга Қирғизистон томонининг ушбу қарорини инобатга олишни тавсия қилган.
Мавзуга оид
22:01 / 12.11.2024
Қирғизистонда ҳокимиятни эгаллашга тайёргарлик кўрган етти киши қўлга олинди
16:44 / 11.11.2024
Саудия тараққиёт жамғармаси Қирғизистонда 38 та мактаб қуриб беради
17:21 / 06.11.2024
Туркий давлатлар ташкилоти саммитида 8 та ҳужжат имзоланди
21:34 / 05.11.2024