Россияда ҳавода коронавирусни аниқловчи асбоб ишлаб чиқилди

Россиянинг Гамалея номидаги илмий-тадқиқот марказида ҳавода 86 та хавфли объектни, жумладан коронавирусни аниқловчи асбоб ишлаб чиқилди.

Фото: РИА Новости

Марказ ходими Артем Ткачукнинг таъкидлашича, асбоб ҳаводаги бактериялар, токсинлар ва вирусларни аниқлаш имконини беради. “Бу асбоб одам иштирокисиз, узуккун бетўхтов ишлаши ва ҳавода хавфли биологик агентлар пайдо бўлишини баҳолаши мумкин”, деб маълум қилган Ткачук.

Унинг таъкидлашича, ҳавода коронавирусни аниқловчи ушбу асбобларни метро ва аэропортларда ўрнатиш мумкин.

Октябрдан бошлаб ушбу қурилманинг аэропортлар, метрополитен ва баъзи биноларда ўрнатилиши бошланади. Таъкидланишича, ушбу асбобга бошқа давлатлар ҳам қизиқиш билдирмоқда.

Тайёрлаган Шуҳрат Раҳимов

#бактерия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.