Пентагон Шимолий Кореянинг янги қитъалараро ракетасини ўрганишни бошлади

Пентагон Шимолий Кореянинг янги қитъалараро балллистик ракетаси ҳақидаги маълумотларни ўрганишга киришиб кетди. Ракета аввалроқ Пхеньянда Корея Меҳнат партиясининг 75 йиллигига бағишлаб ўтказилган парадда намойиш этилган.

Фото: TASS/EPA/KCNA

Пентагондаги манбанинг хабар беришича, АҚШ мудофаа вазирлиги Пхеньянда ўтган парад ҳақида маълумотга эга. Ракета таҳлили давом этмоқда ва Пентагон бу масала бўйича ҳудуддаги иттифоқдош давлатлар билан алоқа олиб бормоқда.

10 октябрда Пхеньянда ўтган парадда учиш узоқлиги 12 минг 874 кмни ташкил қилувчи янги баллистик ракета намойиш этилган. Таъкидланишича, ракета АҚШнинг исталган нуқтасигача етиб бориши мумкин, ўлчамларининг катталиги эса у катта миқдорда юк ташиши мумкинлигини англатади.

29 сентябрда Шимолий Кореянинг БМТдаги доимий вакили Ким Сон Бош ассамблея сессиясида Пхеньян Корея яриморолида урушга йўл қўймаслик учун ўз кучларига таяниши ва “босиб турувчи воситаларни” ривожлантиришини маълум қилган.

1 сентябрда АҚШда Шимолий Корея янги баллистик ракеталар ишлаб чиқиш бўйича дастурини давом эттираётгани маълум қилинган.