Хитойдаги шаҳарда жадаллик билан коронавирусга қарши эмлаш бошланиши эълон қилинди

Хитойнинг Чжэцзян провинциясида жойлашган Цзясин шаҳрида Sinovac компаниясининг коронавирусга қарши вакцинаси билан эмлаш бошланиши эълон қилинди. Бироқ вакцина ҳали тўлиқ синовлардан ўтказиб бўлинмаган.

Фото: REUTERS/Thomas Peter

Paper нашрининг маҳаллий касалликларни назорат қилиш ва олдини олиш маркази вакилига таяниб хабар беришича, шаҳар маъмурияти Sinovac вакцинасига буюртма берган ва ҳозирда вакциналар эмлаш пунктларига етказилмоқда.

“Ўйлашимча, агар пандемия ва куз-қиш мавсуми яқинлашмаганда, ушбу эмлаш вакцина бозорда пайдо бўлгандан кейингина эълон қилинган бўларди”, деб маълум қилган марказ вакили.

Унинг таъкидлашича, вакцинани биринчи навбатда тиббий ходимлар, чегара назорати ходимлари олади. Эмлашни, шунингдек, жамоат жойларида ишловчилар ва коронавирусга чалиниш хавфи юқори ёки ўрта бўлган давлатларда бўлиб қайтганларда ўтказиш қатъий тавсия қилинган.

Эмлаш ихтиёрий асосда ўтказилади. Вакцина 18 ёшдан 59 ёшгача бўлган одамларгагина қўлланади.

Тайёрлаган Шуҳрат Раҳимов

#вакцина #Хитой

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.