Қўшимча функционаллар
-
Тунги кўриниш
Озарбойжон элчихонаси Россия ТИВга норозилик нотаси юборди
16 октябрь куни Россия Давлат думаси депутати Виталий Милонов тан олинмаган Тоғли Қорабоғга ташриф буюргани ҳамда ҳудуд етакчилари билан учрашув ўтказган.
Фото: ТАСС
Озарбойжоннинг Москвадаги элчихонаси Россия Ташқи ишлар вазирлигига норозилик нотаси юборди. ТАССнинг дипломатик ваколатхонага таяниб хабар беришича, нота Россия Давлат думаси депутати Виталий Милоновнинг Тоғли Қорабоғга ташрифи билан боғлиқ.
«Россия Федерал мажлиси Давлат думаси депутати Виталий Милоновнинг оккупация қилинган ҳудудга ноқонуний ташриф буюриши Озарбойжоннинг халқаро тан олинган чегараларини бузиш ҳисобланади. Шу сабабли Озарбойжон элчихонаси Россия Ташқи ишлар вазирлигига норозилик нотаси юборди», – дейилади хабарда.
Элчихонанинг таъкидлашича, нотада «Давлат думаси депутатининг бу каби провокацион ҳаракатлари Озарбойжон жамоатчилиги ва Россиядаги кўп сонли диаспоранинг ғазабини келтириш ҳамда рус-Озарбойжон алоқаларини ёмонлаштиришга қаратилгани» таъкидланган.
16 октябрь куни Россия Давлат думаси депутати Виталий Милоновнинг тан олинмаган Тоғли Қорабоғга ташриф буюргани ҳамда ҳудуд етакчилари билан учрашув ўтказгани айтилган эди.
Қорабоғ уруши
Мавзуга оид
23:38 / 22.04.2026
Германия ҳарбий стратегияни қабул қилди ва Россияни асосий таҳдид деб атади
23:06 / 22.04.2026
Павел Дуровнинг Россиядаги квартирасига терговга чақирув қоғози келди
22:15 / 22.04.2026
Сиёсатчи Дунцова Россияда эркин интернет учун «уйда норозилик» уюштиришни таклиф қилди
10:19 / 22.04.2026