Facebook ва Instagram’да АҚШда ноябрда ўтадиган президент сайловларига қийинчиликлар туғдиришга қаратилган 120 минг пост ўчирилди.
Бундан ташқари, ушбу ижтимоий тармоқларда хавфсизликни таъминлаш мақсадида 2,2 млн.та реклама эълонини жойлаштиришга рухсат берилмади. Шунингдек, ижтимоий тармоқларда сохта ахборот сақловчи хабарларга нисбатан 150 млн.та огоҳлантириш жойлаштирилган.
“Биз ахборотни текшириш учун 70 та, жумладан Францияда 5та ОАВ билан ҳамкорлик ўрнатдик”, деб маълум қилган Facebook’нинг сиёсат ва коммуникациялар бўйича вице-президенти Ник Клегг.
Унинг таъкидлашича, Facebook’да “миллиардлаб постлар ва сохта аккаунтларни ўчириш” учун сунъий онгдан фойдаланилган. Бундан ташқари, компания ўз платформаларида жойлаштирилувчи реклама эълонлари ва ахборотнинг келиб чиқиши ва молиялаштириш манбалари ҳақида маълумотлар тўплашни давом эттирмоқда.