АҚШ Миллий разведкаси Россияни сайловчилар ҳақида маълумот тўплашда айблади

“Биз жамоатчиликни огоҳлантирмоқчимиз: иккита хорижий давлат Эрон ва Россия сайловларимиз билан боғлиқ равишда жамоатчилик фикрига таъсир ўтказишга мўлжалланган ҳаракатлар амалга оширганлигини аниқладик. Биз Эрон ва Россия бир-биридан алоҳида тарзда сайловчиларни рўйхатга олиш тўғрисида баъзи маълумотларни олганлигини тасдиқладик “, - деган у матбуот анжуманида.

Миллий разведка раҳбари ушбу маълумотдан овоз бераётган фуқароларда шубҳа туғдириш, сайловларга бўлган ишончни пасайтириш учун фойдаланиш мумкинлигини таъкидлаган. Шунингдек, у Эронни сохта овоз бериш тўғрисидаги видеони тарқатишда айблаган ва бу кадрларни ишончсиз деган.

«Бу умидсиз рақибларнинг умидсиз чоралари», — дея қўшимча қилган Ретклиф.

У яна бир бор Қўшма Штатларнинг  сайловларга аралашишига «тоқат қилолмаслигини» ва буни амалга оширганларга «бадал тўлатиш»га тайёр эканлигини таъкидлаган.

Россия ва Эрон АҚШ сайловларига аралашиш ҳақидаги айбловларни рад этишган.