Туризм тармоғининг пандемия сабабли йўқотишлари 730 миллиард долларни ташкил қилди

Дунёда коронавирус пандемияси сабабли сайёҳлик сафарлари сони қисқариши туризм тармоғига 2020 йилнинг илк 8 ойида 730 млрд долларлик зиён етказди. Бу ҳақда БМТнинг Жаҳон сайёҳлик ташкилотида маълум қилинди.

Фото: Globallookpress

Ташкилотда хабар берилишича, пандемия сабабли сафарларга киритилган чекловлар жаҳон туризмига кучли таъсир кўрсатишни давом эттирмоқда. Охирги маълумотларга кўра, жорий йилнинг илк 8 ойида халқаро сафарлар миқдори 70 фоизга камайиб кетди. Бу эса 730 млрд доллар йўқотилишига олиб келган. Таъкидланишича, ушбу кўрсаткич 2009 йилда жаҳон молиявий инқирози вақтида кўрилган зарардан 8 маротаба кўпроқни ташкил қилади.

2019 йилда бошқа давлатларга саёҳат қилган туристлар сони 1,5 млрд кишини ташкил қилган.

Тайёрлаган Дилшод Аскаров

#туризм #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.