Қўшимча функционаллар
-
Тунги кўриниш
АҚШ Россияни тутиб туриш учун Европада ракеталарини жойлаштириши мумкинлиги маълум қилинди
26 октябрь куни Россия президенти Владимир Путин агарда НАТО мамлакатлари ракеталар жойлаштиришдан воз кечса, Россия ҳам мамлакатнинг Европа қисмида 9М729 ракеталарини жойлаштирмасликка тайёрлигини айтди.
АҚШ зарурат туғилса Россияни «тутиб туриш» учун Европада ўрта ва кичик масофага мўлжалланган ракеталарини жойлаштириши мумкин, деди АҚШ президентининг миллий хавфсизлик бўйича маслаҳатчиси Роберт О'Брайен.
«Биз ўрта ва кичик масофага мўлжалланган ракеталарни йўқ қилиш тўғрисидаги шартномадан чиқдик, ҳипертовушли қурол, АҚШ хавфсизлигини таъминлайдиган баллистик ракеталарни етказиш тизимини яратмоқдамиз. «Биз иттифоқчиларимизни ҳимоя қиляпмиз, Хитойга қарши турибмиз ва зарурат туғилса Россияни тутиб туриш учун Европада худди шундай қуролларни жойлаштирамиз. Бу тинчликка куч билан эришиш», — деди О'Брайен.
Унинг сўзларига кўра, бу Вашингтонга нафақат эҳтимолий ҳужумларни қайтариш, балки келажакда қуролланиш устидан назорат ўрнатиш ғоясини амалга ошириш имконини беради.
26 октябрь куни Россия президенти Владимир Путин агарда НАТО мамлакатлари ракеталар жойлаштиришдан воз кечса, Россия ҳам мамлакатнинг Европа қисмида 9М729 ракеталарини жойлаштирмасликка тайёрлигини айтди. АҚШ айнан мана шу ракетанинг яратилиши Американинг ўрта ва кичик масофага мўлжалланган ракеталарни йўқ қилиш тўғрисидаги шартномадан чиқишига сабаб бўлганини билдирганди.
Мавзуга оид
21:15
Россия Украина билан «2022 йилдаги Истанбул келишувлари асосида» музокаралар олиб боришга тайёр - Путин
16:29
Свердловск областида қуюн ҳодисаси кузатилди – фотолар
10:30
Журналистлар: Украина урушида камида 227 минг россиялик ҳарбий ҳалок бўлган
09:45