Трамп шифокорларни коронавирус бўйича рақамларни ошириб кўрсатишда айблади

30 октябрда АҚШда кунлик касалликка чалиниш ҳолатлари аниқланиши бўйича рекорд кўрсаткич қайд этилган, 17та штатда эса рекорд даражада кўп бемор шифохоналарга ётқизилган.

Фото: EPA/UPG

АҚШ президенти Дональд Трамп америкалик шифокорлар кўпроқ пул ишлаш учун коронавирус бўйича статистикани атайлаб ошириб кўрсатишаётганини айтди. У Мичиган штатида сайловчилар билан учрашуви чоғида ана шундай фикр билдирди, деб хабар бермоқда CNN.

"Бизнинг шифокорлар – жуда ақлли. Хўш, улар бундай қилишяпти. Кечирасиз, ҳамма COVID’дан ўляпти, дейишяпти... Бу эса 2 минг долларга яқин қўшимча пул, шунинг учун уларнинг пули кўп", - деган Трамп.

Нашрнинг билдиришича, 30 октябрда АҚШда кунлик касалликка чалиниш ҳолатлари аниқланиши бўйича рекорд кўрсаткич қайд этилган, 17та штатда эса рекорд даражада кўп бемор шифохоналарга ётқизилган.

АҚШда коронавирус юқтириш билан боғлиқ қарийб 9 миллионта ҳолат қайд этилган, 230 мингдан ортиқ бемор вафот этган.

Тайёрлаган Дилшод Аскаров

#Дональд Трамп #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.