Президент Шавкат Мирзиёев топшириғи асосида Ўзбекистонда соғлом турмуш тарзини тарғиб қилувчи баннерлар сони кўпайтирилиши кутилмоқда.
Kun.uz мухбирининг хабар беришича, давлат раҳбари 6 ноябрь куни тиббиёт тизимидаги муаммоларга бағишланган йиғилишда вилоят ҳокимларига шундай топшириқ берган.
«Вилоятларда, барча туман ва шаҳарларда соғлом турмуш тарзи тарғиботи бўйича баннерларни 15–20 фоизга кўпайтиринглар. Одамлар шу орқали соғлиғи қанчалик муҳимлигини тушуниши керак.
Вилоят ҳокимлари, бу ишни, албатта, ташкил қиласизлар. Бу масалага шахсан жавобгарсизлар», – деди Шавкат Мирзиёев.