Ўзбекистон энг йирик миллий брендлар рейтингида Кения ва Ироқ ўртасида жойлашди

Brand Finance консалтинг компанияси томонидан тайёрланган энг йирик миллий брендларнинг янги рейтингида Ўзбекистон 9 поғонага кўтарилди.

Фото: Brand Finance

2020 йилда 100та энг қиммат миллий брендларнинг умумий қиймати 13,1 триллион долларга камайди.

АҚШ бу йил ҳам етакчиликни сақлаб қолди, Хитой иккинчи ўринда, Япония учинчи. Кучли ўнликка Германия, Буюк Британия, Франция, Ҳиндистон, Канада, Италия ва Жанубий Корея ҳам киритилган.

Ўзбекистон 61-ўринни эгаллади, бу 2019 йилги рейтингдан 9 поғона юқоридир. Энг яқин қўшнилар Ироқ (60-ўрин) ва Кения (62-ўрин). Марказий Осиёда энг яхши кўрсаткич Қозоғистонда (44-ўрин), МДҲда - Россия (14-ўрин).

Миллий брендни баҳолаш турли жиҳатларни ўз ичига олади: иқтисодиёт, инвестиция, туризм, сиёсат ва бошқалар. Ўртача топ-10даги брендлар 14 фоизга «арзонлашди». Ирландия топ-20да қиймати 11 фоиз ўсиб, 670 миллиард долларга етган ягона бренддир.