Германияда норозиликларга сабаб бўлган қонунга тузатмалар қабул қилинди

Германия парламенти депутатлари юқумли касалликлардан ҳимоялаш тўғрисидаги қонунга тузатмаларни қабул қилишди. Ушбу тузатмаларни киритиш ташаббуси Берлинда оммавий норозиликларга сабаб бўлганди.

Фото: EPA

Германия парламенти 18 ноябрда норозиликларга қарамай тузатмаларни қабул қилди. Эндиликда тузатмаларни Германия федерал ҳудудлари вакиллар палатаси маъқуллаши керак.

Қабул қилинган тузатмалар коронавируснинг навбатдаги авж олишида чекловлар қандай шартлар билан кучга киришини белгилашга қаратилган.

Германияда тузатмалар фуқароларнинг асосий ҳуқуқ ва эркинликларини чеклаши ва шу билан конституцияни бузиши айтилмоқда.

Тузатмаларни киритишга қарши Берлинда минглаб одамлар кўчага чиққан. Полиция уларни тарқатиш учун сувпуркагичлар қўллаган, 200га яқин киши қўлга олинган.

“Биз намойишни масофани сақлаш ва ҳимояланиш қоидаларига амал қилишга чақириқларимизга қулоқ солинмагани сабабли тарқатишимизга тўғри келди”, деб айтган полиция вакили Тило Каблиц.

ALERT: Massive protests in #Berlin, #Germany because of government's COVID-19 law.#b1811 #Wasserwerfer pic.twitter.com/GywIKGmXaG
— Insider Paper (@TheInsiderPaper) November 18, 2020