Наманганда ёш дастурчилар учун хакатон бўлиб ўтди

Наманган шаҳрида 20-21 ноябрь кунлари UNODC ROCA, Ёшлар ишлари агентлиги, Ёш тадбиркор ҳамда IT Park томонидан, Kun.uz сайтининг ахборот кўмаги остида #Hackathon4UnlimitedEducation хакатони бўлиб ўтди.

Тадбирда ҳудуд дастурчилари 24 соат ичида бетўхтов иш олиб бориб, тундан тонггача учта асосий йўналиш: зўравонлик билан кураш, ишсизликни бартараф этиш ва коррупцияга қарши кураш бўйича IT ечимларни ҳайъат аъзоларига тақдим этдилар.

Мусобақа натижасида Fantastic4 ўз дастури билан ғолиб деб топилди ва HP Omen ноутбуклари билан тақдирланди. 2 ва 3-ўринларни ўз навбатида Lyukor ҳамда Programmer Girls жамоалари эгаллашди.