Исроилда карантиндан кейин қайси савдо марказлари очилиши лотерея орқали аниқланади

Лотерея молия, иқтисодиёт ва соғлиқни сақлаш вазирликлари иштирокида ўтказилади.

Фото: Zuma/ТАСС

Исроилда карантин бекор қилинганидан сўнг кўнгилочар-савдо марказларини очиш режалаштирилмоқда. 27 ноябр куни 15та савдо маркази ўз ишини бошлайди. Қайси савдо марказлари очилиши эса лотерея орқали аниқланади, деб ёзади Calcalist.

Ҳукумат айнан қайси савдо марказлари очилишини аниқлаш учун махсус лотерея ўтказади. Бунинг учун савдо марказлари эгалари рўйхатдан ўтиши ва соғлиқни сақлаш вазирлигининг барча талабларини бажаришини тасдиқлаши лозим.

Лотерея молия, иқтисодиёт ва соғлиқни сақлаш вазирликлари иштирокида ўтказилади.

Дастлаб савдо марказлари 6 декабргача ишлайди. Ҳукумат эпидемиологик вазиятни мониторинг қилиб боради. Шундан сўнг савдо марказлари фаолиятини давом эттириши борасида якуний қарор қабул қилинади.

Исроил сентябрда қатъий карантинни қайтадан жорий этганди. Унга кўра, уйдан 500 метр масофа узоққа бориш мумкин эмас. Ресторан, меҳмонхона, спорт заллари ва бассейнлар ёпилган.

Орадан бир ой ўтгач, мамлакатда карантин чекловларига қарши намойишлар бўлиб ўтди.

Тайёрлаган Дилшод Аскаров

#Исроил #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.