Маълумот берилишича, COVID-19 сабабли очарчиликдан ўлиши мумкин бўлган инсонлар сони 135 миллиондан 270 миллион нафарга етган.
Фото: EPA/MATT CAMPBELL
Очарчилик ёқасидаги одамлар сонининг тез ўсаётганлиги сабабли келаси йил ҳалокатли бўлиши мумкин. Бу ҳақда БМТ Жаҳон озиқ-овқат дастури ижрочи директори Дэвид Бизли маълум қилди.
Унинг сўзларига кўра, “COVID-19 сабабли очарчиликдан ўлиши мумкин бўлган инсонлар сони 135 миллиондан 270 миллион нафарга етган”.
“2021 йил БМТ ташкил этилганидан буён энг жиддий гуманитар инқироз йили бўлиши мумкин”, — деди Бизли БМТ Бош ассамблеясининг коронавирусга қарши кураш бўйича махсус сессиясида.
У шу боис дунё етакчилари ва халқаро ташкилотларни “очарчилик ва миграцияни келтириб чиқарувчи сабабларга қарши курашни молиялаштиришга устувор эътибор қаратишга” чақирди.
Аввалроқ Индонезиянинг Бали оролида оммавий очарчилик кучайгани хабар қилинганди.
