Германияда коронавирусга қарши эмлаш бепул ва ихтиёрий бўлади

Аввалроқ Буюк Британия коронавирусга қарши оммавий эмлаш кейинги ҳафтадан бошланишини маълум қилганди.

Фото: Getty Images

Германияда коронавирусга қарши эмлаш бепул бўлади, деб маълум қилди мамлакат соғлиқни сақлаш вазирлиги матбуот хизмати вакили Оливер Эвалд.

"Эмлаш кимда қандай суғурта бўлишидан қатъи назар бепул бўлади", - деди Эвалд журналистларга.

Унинг сўзларига кўра, ЕС жами 300 млн доза вакцина сотиб олишни режалаштирган.

Ўз навбатида, Германия ҳукумати вакили Штеффен Зайберт эмлаш ихтиёрий бўлишини қўшимча қилди.

Аввалроқ Буюк Британияда коронавирусга қарши Pfizer/BioNTech вакцинаси билан оммавий эмлаш кейинги ҳафтадан бошланиши хабар қилинганди.

Тайёрлаган Дилшод Аскаров

#Германия #вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.