Хитой компанияси вакцина ишлаб чиқариш учун 500 миллион доллар жалб қила олди

Фото: Getty Images

Хитойнинг коронавирусга қарши вакцина ишлаб чиққан Sinovac Biotech компанияси ўзининг бўлинмаси Sinovac Life Sciences’нинг 15 фоиз акциясини сотганини эълон қилди. Компания шу йўл билан CoronaVac деб номланган вакцинасини ишлаб чиқариш учун зарур маблағ билан ўзини таъминлаган.

Акцияларни Хитойда женериклар ишлаб чиқарувчи энг йирик компаниялардан бири Sino Biopharmaceutical тахминан 500 млн долларга сотиб олган.

Харид ҳақидаги келишув Sinovac ўз вакцинаси синовларининг якуний босқичи ҳақида маълумотларни эълон қилишга тайёрланаётган ва вакцинани бутун дунё бўйлаб етказишни бошлаган вақтда тузилган.

Компанияда таъкидланишича, у йилига 300 млн доза вакцина ишлаб чиқаришга тайёр, 2020 йил охиригача эса ишлаб чиқариш қувватларини икки баробар ошириш учун вакцина ишлаб чиқарувчи иккинчи заводи қурилишини якунламоқчи.

Тайёрлаган Шуҳрат Раҳимов

#вакцина #Хитой #Sinovac

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.