Испаниядаги ҳайвонот боғида 4та шер коронавирус билан зарарланди

Испаниянинг Барселона шаҳридаги ҳайвонот боғида 4та шерда коронавирусга таҳлил мусбат чиқди.

Фото: Getty Images

Nine News нашрининг хабар беришича, шерлардан бирида шамоллаш аломати кузатилгандан кейин барча шерлардан таҳлил учун суртмалар олинган.

Таҳлиллар 16 ёшли 3та урғочи ва 4 ёшли эркак шерда коронавирус инфекцияси борлигини тасдиқлаган.

Бундан ташқари, ҳайвонот боғининг икки ходимида коронавирусга мусбат тест чиққан. Ҳайвонот боғи раҳбариятининг тахминича, вирус одамларга ҳайвонлардан эмас, аксинча одамлардан шерларга юққан.

“Шерларга ветеринар ёрдам берилди. Уларда енгил гриппга ўхшаш ҳолат кузатилган”, деб маълумот беришган ҳайвонот боғи вакиллари. Уларнинг таъкидлашича, шерларда йўтал ва аксиришдан ташқари барча аломатлар 15 кундан кейин ўтиб кетган.

Аввалроқ олимлар чўчқа, каламуш, қушлар каби жонзотларда коронавирусга иммунитет борлиги сабабини тушунтириб беришганди. Мутахассисларнинг маълумотларига кўра, бу жонзотларда ACE2 рецепторлари таҳлили давомида вируснинг оқсил “тожлари”га ҳужайраларга бирикишга имкон берувчи ва бунинг оқибатида ҳужайрага киришга тўсқинлик қилувчи мутациялар борлиги аниқланган.

Тайёрлаган Шуҳрат Раҳимов

#шер #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.