Трамп ўз партиядошларини қаттиққўлроқ бўлишга ва ғалаба учун курашишга чақирди

АҚШ президенти Доналд Трамп Республикачилар партияси ва уни конгресс сенатида билдирувчи сенаторларни қаттиққўлроқ бўлишга ҳамда президент сайловлари натижалари учун курашишга чақирди.

Фото: Jabin Botsford/The Washington Post

“Сенатор Митч Макконнелл, республикачи сенаторлар, сиз қаттиққўлроқ бўлишингиз лозим, йўқса сизда Республикачилар партияси бошқа бўлмайди. Биз президент сайловларини катта устунлик билан ютдик. Бунинг учун курашинг. Уларга биздан ғалабани ўғирлашларига йўл қўйманг”, деб ёзган Трамп твиттерда.

Республикачиларнинг сенатдаги етакчиси Митч Макконнелл 15 декабрда демократ Жо Байденни табриклаб, унинг президент сайловларидаги ғалабасини тан олган.

14 декабрда сайловчилар ҳайъати кўпчилик овоз билан Байденни президент сайловлари ғолиби деб топганди. АҚШ конституциясига кўра, сайловчилар ҳайъати натижалари конгресс томонидан 2021 йил 6 январда тасдиқланиши лозим.

Амалдаги президент ҳанузгача ўз мағлубиятини тан олмаяпти ва сайловлар натижалари бўйича суд орқали даъволашишга уринишни давом эттирмоқда.

Тайёрлаган Шуҳрат Раҳимов

#республикачилар #президент сайловлари #Доналд Трамп

2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.