ОАВ: Абдукарим Мирзаев Туркиядан депортация қилинмайди

«Унинг озод этилиши эса вақт масаласи», – дейилади журналист ишлаб келган телеканал ахборотида.

Эслатиб ўтамиз, Абдукарим Мирзаев 11 декабрь куни турк полицияси томонидан қамоққа олинган эди. Адвокатининг маълум қилишича, у гўёки «шубҳали шахслар» билан алоқадорликда гумонланиб қўлга олинган.

Дастлабки текширувларда мазкур гумон тасдиқланмаган бўлса-да, журналистни Туркиядан депортация қилишга қарор қилинганди.

Ўзбекистон Бош прокуратураси Ўзбекистонда Абдукарим Мирзаевга нисбатан ҳеч қандай иш очилмагани ва у қидирувда эмаслигини маълум қилган.

Аҳлоқий-маърифий мавзулардаги ҳикоялари билан танилган журналист айни пайтда Туркиянинг Кастамону университети Коммуникациялар факультети журналистика бўлими магистранти саналади.