Uzbekistan Airways маҳаллий рейслар учун чегирмалар жорий этди

Uzbekistan Airways барча маҳаллий авиақатновларга чегирмалар жорий этди. Бу ҳақда авиакомпания матбуот хизмати хабар бермоқда.

Қайд этилишича, чегирмалар республика аҳолиси учун 2021 йил 1 январдан 3 январгача бўлган янги йил байрамини нишонлаш даврида амал қилади.

Чегирма қуйидаги фуқароларга амал қилади:

индивидуал йўловчилар учун — 30 фоиз;
туристик гуруҳлар (5 ва ундан ортиқ киши), мактаб ўқувчилари, коллеж ўқувчилари, лицейлар, олий ўқув юртлари, ИИВ, МВ, ДХХ, ДСҚ, ДБҚ ва бошқа идораларнинг махсус ўқув юртлари талабалари ва тингловчилари учун — 40 фоиз;
оила (2 ва ундан ортиқ киши, яъни: эр-хотин, эр-хотин ва уларнинг 18 ёшгача бўлган болалари, 18 ёшгача боласи бўлган ота ёки 18 ёшгача боласи бўлган оналар) учун — 50 фоиз;
пенсионерлар учун — 50 фоиз;
ногиронлар учун — 50 фоиз;
1941-1945 йиллардаги уруш қатнашчилари ва уларга тенглаштирилган шахслар учун — 50 фоиз;
1941-1945 йиллардаги уруш пайтида фронт ортида фидокорона меҳнати ва бенуқсон ҳарбий хизмати учун орден ва медаллар билан тақдирланган шахслар учун — 50 фоиз;
Чернобил АЭСдаги фалокат оқибатларини бартараф этишда иштирок этганлар учун — 50 фоиз.

Бундан олдин, талаба ва ўқувчиларга поезд чипталари учун 50 фоиз чегирма берилиши хабар қилинганди.

Тайёрлаган: Отабек Матназаров

#чегирма #Uzbekistan Airways