Буюк Британияда AstraZeneca вакцинаси билан эмлаш бошланди

Мамлакат ҳукумати декабр бошларида дунёда биринчи бўлиб Pfizer ва BioNTech компаниялари биргаликда ишлаб чиқарган вакцинани маъқуллаганди.

Фото: NHS England

Буюк Британияда бир нечта шифохонада AstraZeneca компанияси ишлаб чиққан вакцина билан эмлаш бошланди. Бу ҳақда Sky News хабар берди.

Вакцина билан дунёда биринчи бўлиб Черчиллдаги шифохонада даволанаётган 82 ёшли Брайан Пинкер эмланди.

Қайд этилишича, дастлаб Оксфорд, Сассекс, Ланкашир, Уорикшир ҳамда Лондонда жойлашган жами олтита шифохона 53 минг доза вакцина олади. Сўнгра вакцина 700дан ортиқ вакцинация пунктларига етказилади.

Буюк Британия миллий соғлиқни сақлаш хизматининг билдиришича, минглаб шифокорлар коронавирусга қарши эмлаш бўйича онлайн-машғулотларни ўташган.

30 декабр куни эса Буюк Британия дори воситаларини назорат қилиш агентлиги (MHRA) AstraZeneca Англия-Швеция фармацевтика компаниясининг коронавирусга қарши вакцинасидан фойдаланишни маъқуллади.

Тайёрлаган Дилшод Аскаров

#Буюк Британия #AstraZeneca

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.