Трамп президент лавозими учун Байден билан “қақшатқич жангга киришиш”га ваъда берди

АҚШ президенти Доналд Трамп Оқ уйдан кетмаслигини ва ҳокимиятни сайланган президент Жо Байденга топширмаслигини айтди. Трамп Жоржия штатидаги чиқиши вақтида бунга ваъда берди.

Фото: Mandel Ngan/AFP

Оқ уйнинг амалдаги раҳбари демократлар Оқ уй ва сенатни эгаллаб олсалар, президент лавозими учун “қақшатқич жангга киришиши”ни маълум қилган.

“Мағлуб бўлиб, “яхши, мен мағлуб бўлдим” дейиш мумкин. Бироқ бошқа сафар бундай қиларман, балки қилмасман ёки одатий ҳаётга қайтарман. Бироқ сен катта устунлик билан ғалаба қозонсанг-у, бироқ сендан ғалабани тортиб олишса ва натижаларни сохталаштиришса – бунга йўл қўйиб бўлмайди”, деб таъкидлаб ўтган Трамп.

АҚШда 2020 йил 3 ноябрда ўтган президент сайловлари натижаларига кўра Байден ғалаба қозонди. Демократга 306 сайловчи, Трампга эса 232 сайловчи ўз овозини берган. Ушбу натижалар 6 январда конгресс томонидан тасдиқланиши лозим. Бироқ Трамп мағлубиятини тан олишдан бош тортмоқда.

Оқ уй раҳбарининг таъкидлашича, демократлар ғалабаси АҚШда “коммунизм бошланишини” англатади.

Тайёрлаган Дилшод Аскаров

#Жо Байден #Доналд Трамп

2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.