АҚШда 10 миллиондан ортиқ киши коронавирусга қарши эмланди

АҚШ Moderna ва Pfizer/BioNTech компанияларидан 30 миллион дозага яқин вакцина олган. Мамлакатда биринчи навбатда шифокорлар ва ёши 65дан ошган инсонлар эмланмоқда.

АҚШда 10 миллиондан ортиқ киши коронавирусга қарши вакцинанинг биринчи дозасини қабул қилди. Бу ҳақда АҚШ касалликларни назорат ва профилактика қилиш маркази (CDC) хабар берди.

Хабарда айтилишича, 14 январ ҳолатига 10 млн 278 минг 462 нафар фуқаро эмланган. Мамлакат аҳолиси 328 миллион нафардан ошади.

Аввалроқ АҚШ ҳукумати коронавирусга қарши эмланадиган аҳоли қамровини кенгайтириш мақсадида биринчи дозани олганлар учун иккинчи доза сифатида бериладиган вакциналарни захира сифатида сақламаслигини билдирганди.

Мамлакат АҚШ соғлиқни сақлаш вазири Алекс Азарнинг айтишича, АҚШ маъмурияти штатлар ҳукуматларига эмланадиганлар тоифасини кенгайтиришни тавсия қилади – биринчи навбатда ёши 65дан юқори бўлган соғлом одамлар ҳамда ёши 65дан кичик бўлган беморлар қамраб олинади.

#АҚШ #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.