Туркияда Хитойнинг коронавирусга қарши вакцинаси билан эмлаш бошланди

Аввалроқ Туркия дори воситалари ва тиббиёт жиҳозлари бўйича қўмитаси шошилинч вазиятларда Sinovac вакцинасидан фойдаланишга рухсат берганди. Мамлакат 30 декабрда 3 млн доза вакцина олган.

Фото: AP Photo/Emrah Gurel

Туркияда Хитойнинг Sinovac компанияси ишлаб чиқарган коронавирусга қарши вакцина билан аҳолини эмлаш бошланди.

"Вакцина барча вилоятлардаги жамоат соғлиғини сақлаш хизматлари омборларига етказилди. Бугун янги даврнинг биринчи куни", - деди мамлакат соғлиқни сақлаш вазири Фахреттин Кожа.

Қайд этилишича, дастлаб тиббиёт ходимлари эмланади.

Пандемия бошланганидан бери Туркияда 2,3 миллиондан ортиқ киши коронавирус юқтирган, 23 мингдан ортиқ бемор вафот этган.

Тайёрлаган Дилшод Аскаров

#Туркия #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.