Ҳиндистонда коронавирусга қарши эмланганларнинг икки нафари вафот этди
Мамлакатда оммавий эмлаш кампанияси 16 январда бошланди. Уч кун ичида 381,3 минг киши эмланган бўлиб, 580 кишида ножўя таъсирлар кузатилган.
Ҳиндистонда коронавирусга қарши маҳаллий вакцина билан эмланган икки киши вафот этди. Бу ҳақда India Today нашри хабар берди.
Хабар қилинишича, жами 580 нафар кишида вакцинанинг ножўя таъсирлари кузатилган бўлиб, бу асосан ҳарорат кўтарилиши, кўнгил айниши ва бош оғриши бўлган. Етти киши оғир асоратлар билан шифохонага ётқизилган, уларнинг икки нафари вафот этган.
Ҳукуматнинг билдиришича, вафот этганлардан бирининг ўлими вакцина билан боғлиқ эмас. Иккинчисининг ўлими сабаблари аниқланмоқда.
Аниқлик киритилишича, вафот этган шахс Муродобод шаҳридаги шифохона ходими бўлиб, у эмланган кунининг эртасига вафот этган. Қариндошларининг сўзларига кўра, у вакцинациядан аввал ҳам ўзини ёмон ҳис этаётган бўлган.
Иккинчи ўлим ҳолати Беллари шаҳрида қайд этилган. Унинг ўлимига инфаркт сабаб бўлгани айтилмоқда.
The Times of India нашрининг ёзишича, мамлакатда оммавий эмлаш кампанияси 16 январда бошланди. Уч кун ичида 381,3 минг киши эмланган бўлиб, 580 кишида ножўя таъсирлар кузатилган.
Мамлакатда AstraZeneca компаниясининг Covishield ва Bharat Biotech компаниясининг Covaxin вакциналаридан фойдаланишга рухсат берилган.
Мавзуга оид
14:19 / 26.10.2024
Ҳиндистон пойтахти ҳавоси ўта ифлос даражада: бунга сабаб нима?
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
09:20 / 23.10.2024
Моди Ҳиндистоннинг Украина бўйича музокараларда воситачилигини таклиф қилди
23:31 / 22.10.2024