ЖССТ 92 мамлакатга вакцина етказиб бериш учун Pfizer билан шартнома тузди

ЖССТ бош директори Тедрос Адҳаном Гебрейесуснинг маълум қилишича, шунингдек, AstraZeneca/Oxford COVAX доирасида 150 миллион доза вакцина етказиб бериши кутилмоқда.

Фото: Picture Alliance

Жаҳон соғлиқни сақлаш ташкилоти COVAX дастури доирасида Pfizer/BioNTech билан коронавирусга қарши 40 миллион доза вакцина етказиб бериш бўйича шартнома тузди.

"Бугун Pfizer ва BioNTech COVAX билан 40 миллион доза COVID-19 вакцинасини етказиб бериш бўйича дастлабки шартномани имзолади. Дозалар 2021 йил давомида етказиб берилади", - дейилади компания хабарида.

Қўшимча қилинишича, дастлабки дозалар 2021 йилнинг биринчи чорагида етказилади.

Pfizer ва BioNTech вакциналар тенг тақсимланишини кўзда тутувчи COVAX ташаббуси доирасида 92 мамлакат учун нотижорат нархларида вакцина етказиб беради.

У коронавирусга қарши вакцина тақсимланиши февралда бошланишини билдирди. Бу йил дастур доирасида икки миллиард доза вакцина етказиб бериш режалаштирилган.

Тайёрлаган Дилшод Аскаров

#Pfizer #вакцина #ЖССТ

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.