Жавод Зариф Эрон АҚШ билан хавфсизлик ва нефт масаласида ҳамкорлик қилишга тайёрлигини билдирди

Зарифнинг сўзларига кўра, "Эрон Вашингтон билан Исроил муаммоси бўйича ҳамкорлик қилмайди".

Фото: DPA

Теҳрон АҚШ билан Форс кўрфазидаги хавфсизлик ва нефт масаласида ҳамкорлик қилиши мумкин. Бу ҳақда Эрон ташқи ишлар вазири Муҳаммад Жавод Зариф маълум қилди.

"Биз сизлар (АҚШ) билан нефт масаласида ҳам, Форс кўрфазида хавфсизликни таъминлаш масаласида ҳам ҳамкорлик қилишда муаммо кўрмаяпмиз", - дея унинг сўзларидан иқтибос келтирмоқда Etemad газетаси. Зариф шу билан бирга, "хорижликларнинг Форс кўрфазида бўлиб туриши хавфсизликка таҳдид солиши ва АҚШ бу ерни тарк этиши керак"лигини таъкидлаган.

У бу ўзининг шахсий қараши эканлигини ҳам билдириб ўтган.

Зарифнинг сўзларига кўра, "Эрон Вашингтон билан Исроил муаммоси бўйича ҳамкорлик қилмайди".

"Биз америкаликларнинг ички ишларимизга аралашишларига йўл қўймаймиз", - деб қўшиб қўйган у.

#АҚШ #Эрон