Немис экспертлари AstraZeneca вакцинаси 64 ёшгача бўлган одамлар учунгина самарали деб топишди
Жума куни Европа дори воситалари агентлиги (EMA) вакцинани Европа бозорига киритиш бўйича қарор қабул қилиши кутилмоқда.
Роберт Коҳ институти қошидаги STIKO мунтазам эмлаш комиссияси аъзолари AstraZeneca компаниясининг коронавирусга қарши вакцинаси фақат 18 ёшдан 64 ёшгача бўлган одамлар учунгина фойдали деб ҳисоблашмоқда. Бу ҳақда комиссия қарори лойиҳасига таяниб ARD телеканали хабар берди.
"Эмлаш 65 ёшдан катталар учун ҳам самарали деб хулоса қилишга маълумотлар етарли эмас", - дейилади лойиҳа қарорида.
Жума куни Европа дори воситалари агентлиги (EMA) вакцинани Европа бозорига киритиш бўйича қарор қабул қилиши кутилмоқда.
Аввалроқ ОАВ вакцина катта ёшлиларга таъсир қилмаслиги тўғрисида хабар қилганди.
AZD1222 вакцинаси AstraZeneca компанияси ва Оксфорд университети олимлари ҳамкорлигида ишлаб чиқилган. У Россиянинг "Спутник V" вакцинаси каби вектор вакцина ҳисобланади. Вектор вакциналари заиф ҳолга келтирилган зарарсиз вирус ва коронавирус генини ўз ичига олади.
Мавзуга оид
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
21:15 / 13.09.2024
ЖССТ маймунчечакка қарши биринчи вакцинани тасдиқлади
00:00 / 06.09.2024
Конго mpox’га қарши вакцинанинг биринчи партиясини қабул қилиб олди
00:11 / 24.08.2024