Хитойда коронавирусга қарши қалбаки вакциналар сотган 80дан кўпроқ киши қўлга олинди 

Хитой полицияси коронавирусга қарши қалбаки вакциналарни тарқатганлик учун 80дан кўпроқ кишини қўлга олди ва қалбаки вакцинанинг 3 мингдан кўпроқ дозасини мусодара қилди. 

“Синьхуа” ахборот агентлигининг хабар беришича, гумонланувчилар 2020 йил сентябридан бошлаб оддий физиологик аралашма (физраствор) билан тўлдирилган шприцларни коронавирусга қарши вакцина сифатида катта нархга сотиб келишган.  

Жиноий тармоқ Пекин, Шанҳай шаҳарларида ва Шандун провинциясида ҳаракат қилган.

Global Times нашрининг манбаларга таяниб хабар беришича, жиноятчилар дунёда вужудга келган вакцина тақчиллигидан фойдаланиб, ўз “маҳсулотлари”ни хорижга ҳам жўнатишни режалаштиришган.