Қозоғистон Тожикистон ва Қирғизистонга ўқ-дори ҳамда ҳарбий воситалар тақдим этишни мўлжалламоқда
Тожикистонга турли калибрдаги патронлар, Қирғизистонга эса патронлар, снаряд ва бошқа ҳарбий воситалар етказиб бериш мўлжалланмоқда.
Қозоғистон мудофаа вазирлиги Тожикистон ва Қирғизистон беғараз ҳарбий-техник ёрдам кўрсатиш бўйича иккита лойиҳа ишлаб чиқди. Бу ҳақда zakon.kz хабар бермоқда.
Лойиҳаларда Тожикистон ва Қирғизистонга ҳарбий мулк кўринишида беғараз ҳарбий-техник ёрдам кўрсатиш кўзда тутилган.
Қайд этилишича, "тақдим этиладиган мулкдан фойдаланилмаяпти ва ортиқча миқдорда сақланмоқда”.
Шу билан бирга, Қозоғистон ҳарбий юкларни Қирғизистон ва Тожикистонгача етказиб беради.
Таъкидланишича, Қирғизистон ва Тожикистон Қозоғистон тақдим этган ҳарбий ёрдамни учинчи томонга бера олмайди.
Маълумот берилишича, Қозоғистон Тожикистонга турли калибрдаги патронлар, Қирғизистонга эса патронлар, снаряд ва бошқа ҳарбий воситаларни етказиб бериши мўлжалланмоқда.
Мавзуга оид
22:52 / 25.10.2024
Қозоғистон ва Ўзбекистон Орол денгизини қутқаришда ҳамкорлик қилади
19:04 / 24.10.2024
Қозоғистонда Туркиянинг Bayraktar дрони ишлаб чиқарилиши мумкин
10:10 / 24.10.2024
Самарқандда Ўзбекистон – Қозоғистон ҳудудлараро форуми бўлиб ўтди
08:10 / 24.10.2024