АҚШнинг Ироқдаги базасига ракета зарбалари берилди

Маълумот берилишича, база ва унинг ёнидаги аэропортга 14та 107 миллиметрли ракета йўлланган.

Фото: Global Look Press/Martin Alan Smith

АҚШнинг Ироқ шимолидаги базасига ракета зарбалари берилиши оқибатида бир киши ҳалок бўлди, етти киши жароҳатланди. Бу ҳақда Associated Press агентлиги хабар бермоқда.

Хабарда айтилишича, ҳужум оқибатида базада ишлайдиган маҳаллий мутахассис ҳалок бўлган. Яна икки нафар маҳаллий ишчилар жароҳат олган. Шунингдек, беш нафар америкалик ҳам жароҳатлангани айтилмоқда.

Маълумот берилишича, база ва унинг ёнидаги аэропортга 14та 107 миллиметрли ракета йўлланган.

Ушбу ҳужум учун жавобгарликни ҳозирча ҳеч бир гуруҳ зиммасига олмаган.